ABŞ-ın Aydaho ştatının sakini Doroti Kaster 102 yaşını təxminən 150 metrlik körpüdən paraşütlə tullanmaqla qeyd edib.

“Əvvəlcə paraşütlə təyyarədən tullanmağı planlaşdırırdım. Amma sonra ad günümü sakit keçirmək qərarına gəldim”, - uzunömürlü qadın bildirib.

Doroti Kasterin ad gününü ekstremal şəraitdə keçirdiyi birinci dəfə deyil. O, ötən il kanat yolu ilə gəzmişdi.

Uzunömürlüyünün səbəbini qadın belə izah edib: “Heç vaxt yaşım barədə düşünmürəm. Sadəcə olaraq, yaşayıram və bundan zövq alıram”.