Bu il qəbul imtahanlarında 200 bal toplayan abituriyentlərin sayı keçən il 220 bal toplamış abituriyentlərin sayına uyğun olub. Bu rəqəmi keçirdiyi mətbuat konfransında Tələbə Qəbulu üzrə Dövlət Komissiyasının sədri Məleykə Abbaszadə açıqlayıb. TQDK sədri bu vəziyyəti mənfi hal kimi dəyərləndirib: “Bu müsbət yox, mənfi fərqdir. Buraxılış imtahanlarındakı nəticələrə əsasən bu il ali məktəblərə imtahanlarda abituriyentlərin nəticələrinin aşağı olacağını gözləyirdik”.

Qeyd edək ki, ali məktəblərə qəbul imtahanlarında abituriyentlər aşağı nəticə göstərdiyinə görə, bütün qruplarda keçid balları aşağı salınıb.