Mayın 10-da saat 17.30 radələrində Səngəçal terminalından Gürcüstanın Batumi limanına gedən xam neft daşıyan yük qatarı Kürdəmir rayonunun Sığırlı stansiyası yaxınlığında qəzaya uğrayıb. Azərbaycan Dəmir Yolu İdarəsindən ANS PRESS-ə verilən məlumata görə, qatarın 5 vaqonu relsdən çıxsa da, xam neft ətrafa dağılmayıb. 

Qəza ilə bağlı olaraq Bakıdan qərb istiqamətinə, o cümlədən Gürcüstana və əksinə qatarların hərəkəti dayandırılıb. Ərazidə təmir bərpa işləri aparılır./ANS PRESS/