Bakının Suraxanı rayonu ərazisində maşın oğurlamaqda şübhəli bilinən şəxslər tutulub. Bakı Şəhər Baş Polis İdarəsindən ANS PRESS-ə verilən məlumata görə, martın 14-də saat 02:20 radələrində Marat Zeynutdinova məxsus «VAZ-2106» markalı 10-ZS-293 dövlət nömrə nişanlı avtomobil qaçırılıb. Suraxanı Rayon Polis İdarəsinin 31-ci polis bölməsinin əməkdaşları keçirdikləri əməliyyat tədbirləri nəticəsində 21 yaşlı Elgiz Paşayevi, 18 yaşlı Nahid Allahverdiyev və əvvəllər məhkum olunmuş, 20 yaşlı Elizbar İbrahimovu tutub. Faktla bağlı istintaq aparılır.
/ANS PRESS/