Hazırda rayon mərkəzi də daxil olmaqla Lerik tamamilə işıqsız qalıb. Bir sıra yaşayış məntəqəsi ilə telefon rabitəsində də problemlər yaranıb. Qasırğa, həmçinin, yüzlərlə ictimai və fərdi yaşayış binasının dam örtüyünü uçurub.

H. Məlikovun sözlərinə görə, qəza briqadaları təbii fəlakətin nəticələrini qaldırmağa çalışsalar da, hələlik bu, mümkün olmayıb: “Bununla belə, bütün qüvvələr səfərbər olunub. Təbii fəlakətin nəticələrinin aradan qaldırılması üçün lazımi tədbirlər görülür”.