Sarı, adəti üzrə, bu dəfə də 40 sual hazırlayıb, üz tutdu çalıb-oxuyanlardan cavab axtarmağa. Hədəfə keçən isə badələri heç vaxt boş qalmayan, gecələri gündüzlərdən üstün tutan Xumar Qədimova oldu.

1.Xumar adı qədimidir?
- Qədimi və nadir addır.

2. Bir qutunun içində neçə dənə xurma olur?
- Saymamışam.

3.Sonuncu dəfə nə vaxt vurmusan?
- Adam vurmaq, yoxsa?..

4.Ətir…
- Sonuncunu bir az bundan qabaq.

5. Əlində olsaydı, kimi şou-biznesdən çıxarardın?
- Mən bəyənmədiklərimi görmürəm.

6.Neçə dəfə olmusan xaricdə?
- Hardasa 7-8 dəfə olar.

7. İlk dəfə ana olanda sən də ağladın?
- Uşağımı qucağıma alanda kövrəldim.

8. Ayın işığından zövq alırsan, günün şüasından?
- Elə ola bilər, ay işığı istəyirəm, elə də ola bilər günəş istəyirəm.

9. Sənə deyən olub ki bəsdi çəkdin?
- (Bərkdən gülür) Yox, olmayıb.

10. Söhbət makiyajdan gedir...
- Olmayıb, həm də mən az çəkirəm axı.

11. Oğlun sənə qadağa qoysa, razılaşarsan?
- Oğlum anasının tərbiyəsinə, ağlına bələddir.

12.Yaşını heç vaxt demirsən, ilin hansı heyvan üzərində qurulub?
- Yaşımı bilənlər bilir, bilməyənlərsə iki yerə bölünür. Bir tərəf məni sevib gənc deyənlərdir, digər tərəf isə sevməyib yaşlı deyənlərdir.

13. Əvvəldən belə nazlı danışırsan?
- Mən elə nazlı doğulmuşam. Amma coşanda məni görməsəniz yaxşıdır. Nazdan əsər-əlamət qalmır.

14. Ərə getmək keçmir ürəyindən?
- İnanırsan ki, belə getsə, özümdən asılı olmayaraq, bu hadisə baş verəcək. Əslində, özüm istəmirəm, amma imkan vermirlər.

15. Özündən həmişə belə razı olmusan, ya tanınandan sonra?
- Bir şeyə xoşbəxtəm ki, özümün dəyərini bilən olmuşam.

16. Eşqin məhəbbəti düşüb canına?
- Ən sevmədiyim mahnıdır.

17. Kliplərinin sayını bilirsən?
- Əzbərdən bilmirəm.

18. Bəs sevənlərinin sayını?
- Saysız-hesabsızdır. Elə adam var sevir, amma mənə maraqlı deyil onun sevgisi, mənə kamil adamın
sevgisi ləzzət edir.

19. İndiyə kimi neçə dodaq boyası almısan?
- Oooy, axırıncı dəfə Moskvada səfərdə olanda 8 növünü aldım.

20. Hər gün onu görürsən?
- Onu? Hər an!

21.Bacını…
- Təbii ki onu da.

22. Hakim olsaydın, qatilə hansı cəzanı verərdin?
- Haqq tərəfdarı olardım.

23. Ərini döyən qadına haqq qazandırırsan?
- Döyməkdənsə, ayrılmağı üstün tuturam, nəinki əl atmaq.

24. Sevib ərə getmisən?
- Yox! Onda mənə elə gəlirdi ki, sevmişəm.

25. Ərə getməsəydin, yenə müğənni olardın?
- Ərə getməsəydim, daha tez müğənni olardım.

26. Qadına mikrofon yaraşır, ya çömçə?
- Baxır harda, necə?

27. Gecənin altında gecə köynəyi, sinənin altındakı nədir bəs?
- Sinənin altındakı ürək.

28. İçkilərdən hansına üstünlükverirsən?
- Hamısına.

29. Badələrə çox süzmüsən?
- Əlbəttə, süzürəm də.

30. Mahnılarını erotik tərəfə yozanda, acığına gəlmir?
- Acığıma gəlmir. Gecə köynəyi erotik səslənir, qoy olsun, daha da gözəldir.

31.Hansı rəngi görəndə əsəbiləşirsən?
- Boz rəngi sevmirəm.

32.Mobil telefonun neçə düyməsi var?
- 10 olar da yəqin.

33. Bədən quruluşunda nəyi dəyişmək istərdin?
- Vaxt olar deyərəm.

34. Ən çox sevdiyin Azəri tamaşası?
- Çoxdur.

35. Bəstəkarlığın ustasısan, ya müğənniliyin?
- Ayrı-seçkilik etmirəm. Çünki ikisi də ürəkdən gəlir.

36. Əlini siçana vurmusan?
- Vaaaaaaay, fu.

37. Kompüterin siçanına…
- Ona da yox.

38. Məclisə daxil olanda ilk olaraq gözlərin nə axtarır?
- Fikrim ancaq özümdə olur.

39. Kətan köynək, ya nazik bədən?
- Kətan köynəkdə sevimli bədən.

40. Sarı-nı görəndə həmişə ayaq saxlayırsan?
- Mənə lazım olan anda ayaq saxlayıram. ANSPRESS