Moskvada yaşayan azərbaycanlı biznesmen və müğənni Emin Ağalarov Bakıda konsert proqramı ilə çıxış edəcək. E.Ağalarovun rəsmi internet saytı olan emin.ru-da verilən məlumata görə, konsertin "Yaşıl Teatrda" iyulun 9-da keçirilməsi nəzərdə tutulur. Biletlər artıq şəhərin kassalarında satılır.

Emin Ağalarov 2010-cu il konsert mövsümünə yeni albomu ilə start verib. Müğənni ilk konsertini mayın 28-də Rusiyanın paytaxtı Moskva şəhərində yerləşən "Baku" kinoteatrında verib.

Bu konsertin davamı olaraq Emin Ağalarov mayın 29-da Moskvanın Elizium konsert zalında, iyunun 3-də isə M.Qorki adına MXAT-da çıxış edib.

E.Ağalarovun "EMİN" adlı yeni albomu artıq hazırdır. Albom keçən ilin payızından bu ilin yazınadək Londonda yazılıb. Albomun buraxılması ilə yanaşı yeni mahnılardan ibarət konsert proqramı hazırlanıb. ANSPRESS