Prezident İlham Əliyev Əfqanıstan İslam Respublikasının prezidenti Həmid Kərzaini Əfqanıstanın milli bayramı olan Müstəqillik günü münasibətilə təbrik edib.

Prezident təbrik məktubunda qeyd edib ki, Azərbaycan-Əfqanıstan dostluğu və əməkdaşlığının qorunub saxlanması və inkişaf etdirilməsi, əlaqələrin bütün sahələrdə genişləndirilməsi istiqamətində bundan sonra da birgə səylər göstəriləcək.

Dövlət başçısı müstəqillik günü münasibətilə Əfqanıstan xalqına əmin-amanlıq arzulayıb. /AzərTac/