Çin Xalq Respublikasının(ÇXR) Azerbaycandakı fövqelade ve selahiyyetli sefiri cenab Xun Tsuin Bakı Ali Neft Mektebinde olub.

Bakı Ali Neft Mektebinin metbuat xidmetinden ANS PRESS-e verilen melumata göre, görüş çerçivesinde qonağa Bakı Ali Neft Mektebinin yaranma tarixi, telebe qebulu prosesinin neticeleri, tehsil ocağının esas hedefleri haqqında etraflı melumat veren ali mektebin rektoru Elmar Qasımov bildirib ki, Avropa Kredit Transfer sisteminin şertlerine uyğun tedris prosesinin teşkil edildiyi bu ali mekteble Böyük Britaniyanın Heriot-Vatt Universiteti arasında emekdaşlıq münasibetleri qurulub ki, bu elaqeler neticesinde Bakı Ali Neft Mektebinde hemin universitetin tedris proqramları tetbiq olunur, eyni zamanda derslerde keyfiyyete nezareti, imtahanların keçirilmesi ve qiymetlendirilmesi prosesi partnyor universitet terefinden heyata keçirilir ve sonda ali tehsillerini uğurla başa vuran telebelere iki diplom- hem Bakı Ali Neft Mektebinin, hem de Heriot Vatt Universitetinin diplomları verilir.

Daha sonra E.Qasımov Bakı Ali Neft Mektebinin dünyanın tanınmış universitetlerinden birine çevrilmesi üçün bu istiqametde aparılan işler haqqında qonağa melumat vererek qeyd edib ki, bu meqsede nail olmaq üçün ali mektebin beynelxalq elaqelerinin genişlendirilmesi ve müasir tecrübelerden faydalanması olduqca vacib meselelerdendir. O vurğulayıb ki, bu baxımdan dünyanın inkişaf etmiş dövletleri sırasında öncül yerlerden birini tutan Çin Xalq Respublikasının elm ve tehsil merkezleri ile emekdaşlıq elaqelerinin qurulması Bakı Ali Neft Mektebi üçün xüsusi maraq kesb etmekdedir.

Sefir Xun Tsuin Bakı Ali Neft Mektebine gelişinden memnunluq hissleri keçirdiyini qeyd edib, Azerbaycanda ingilis dilinde tedris heyata keçiren bele müasir tipli texniki ali mektebin yaradılmasının vaxtında heyata keçirilen çox önemli bir addım olduğunu vurğulayıb. O, bu tehsil ocağının ÇXR-nın müvafiq qurumları ve bu istiqametde fealiyyet gösteren ali tehsil merkezleri ile emekdaşlıq elaqelerinin yaradılması üçün lazımi tedbirlerin heyata keçirilmesine hazır olduğunu bildirib.

Görüşün sonunda Sefir Xun Tsuine Bakı Ali Neft Mektebinin “Fexri qonaq” diplomu verilib.