Ana südü möcüzəsi
29 Fevral 2012 Çərşənbə 14:49
ANS PRESS ana südünün faydalarını təqdim edir.
Amerika Xəstəxanasının Pediatriuya Böülmündən Doktor Gülsəmin Güloğlu ana südünün faydaları barədə danışıb. ANS PRESS CNN Türk-ə istinadən xəbər verir ki, ana südünün faydalarını sadalayıb:

* Ana südüylə bəslənən körpələr uşaq qidası ilə bəslənənlərlə müqayisədə körpə vaxtı infeksiyalara qarşı daha müqavimətlidirlər.

* Ana südüylə bəslənən körpələrin daha sonrakı illərdə diabet, skleroz, ürək xəstəlikləri, uşaqlıq borusu xərçəngi kimi bəzi xəstəliklərə tutulma ehtimalı daha aşağıdır.

* Əmizdirən analarda gələcəkdə sümük əriməsi, döş, uşaqlıq, yumurtalıq xərçəngi kimi xəstəliklər daha az müşahidə olunur. Əmizdirən analar hamiləlik zamanı aldıqları artıq çəkini daha asan atırlar.

* Ana südünün iqtisadi üstünlükləri isə, pulsuz olması, xəstəlikləri azaltdığı üçün dərman xərclərini azaltması, hər an hazır və təzə olmasıdır.

İlk ildə ana südünün faydaları

Körpələrin ilk 6 ayda yalnız ana südü qəbul etmələri, ən azı bir il boyunca isə ana südü qəbul etməyə davam etmələri məsləhət edilir. İlk 6 ay yalnız ana südü vermək, digər qidalarla infeksiya yoluxmasının qarşısını alır. Uşağın allergiya yaradacaq maddələrlə qarşılaşmasını gecikdirir.

Ana südü infeksiyaları və immunitet sistemi xəstəliklərini azaldır:

* Ana südündəki anticisimlər körpəyə keçərək körpələri infeksiyalara qarşı qoruyur.

* Tənəffüs sistemi xəstəlikləri uşaq qidası ilə bəslənən körpələrdə daha çox olur.

*Uşaq qidası ilə bəslənən körpələrdə 3-4 dəfə daha çox ishal olur.

* Ana südü əmən körpələrdə qulaq infeksiyaları daha az olur.

* Xüsusilə inkişaf etməkdə olan ölkələrdə ana südüylə bəslənmə körpə ölümlərini azaltdığı müəyyən olunub.

* Ani körpə ölümü sindromu ana südü ilə bəslənən körpələrdə daha az müşahidə olunur.

* Ana südüylə bəslənmə körpələrdə allergiya inkişafını azaldır.

İlk ildən sonra ana südünün faydaları

* Ana südü əmən uşaqlarda diş çürükləri daha az qeydə alınır.

* Ana südü ilə qidalanan körpələrdə, uşaqlıq vaxtı piylənmə ehtimalı azdır. Uşaq qidası ilə bəslənən körpələrdə isə bu, 20-30 faiz daha çox müşahidə edilir.

* 15-dən aşağı yaşlarda xərçəngə olma ana südü əmən uşaqlarda daha az olur. Uşaq qidası ilə bəslənən uşaqlarda xərçəng 8 dəfə daha çox qeydə alınır.

* Ana südü ilə bəslənən körpələr yetkin yaşlarda yüksək təzyiq daha az olur, ürək xəstəliyi ehtimalı isə azalır.

* Ana südü ilə bəslənən körpələrdə gələcəkdə psixoloji, davranış çətinliyi kimi problemlər daha az görünür.

* Ana südü alan körpələrin gələcəkdə daha yetkin və özlərinə inamlı olduqları bildirilir.

Əmizdirmənin anaya faydaları

* Doğuşdan sonra arıqlamağı asanlaşdırır.

* Əmizdirmə əsnasında oksitosin deyilən hormon ifraz olunur və bu da uşaqlığın kiçilməsini və əvvəlki vəziyyətinə dönməsini təmin edir.

* Əmizdirən anada gələcəkdə osteporoz (sümük əriməsi) inkişaf ehtimalı azalır.

* Əmizdirən diabetik analarda insulin ehtiyacı azalır.

* Əmizdirən analarda döş, uşaqlıq, yumurtalıq xərçənginin inkişaf ehtimalı azalır.

* Əmizdirmə ana ilə körpə arasındakı ünsiyyəti artırır, ananın stresini azaldır.


DOSTLARINLA PAYLAŞ:

oyunlar