Azərbaycan Ukraynanın paytaxtı Kiyev şəhərində keçiriləcək “İrpen Film” Beynəlxalq Festivalında təmsil ediləcək. Festivalda rejissor Fariz Əhmədovun “Lahıc ritmləri” sənədli filmi nümayiş etdiriləcək.

Qeyd edək ki, iyunun 13-14-də baş tutacaq festivalın təşkilat komitəsinə 48 ölkədən 286 film təqdim edilib.

Yeddi nominasiya üzrə keçirilən festivalda hər nominasiyada təqribən 7 film göstəriləcək. Qalibləri münsiflər heyəti deyil, filmi izləyən tamaşaçılar müəyyənləşdirəcək.

Xatırladaq ki, “Lahıc ritmləri” filmi 2008-ci ildə “İmper Qrup” prodüser mərkəzində istehsal olunub. Ssenari müəllifi Nərgiz Bağırzadə, quruluşçu operatoru Üzeyir Abbas, prodüseri isə Nizami Abbasdır.
Kino lentinə çəkilmiş 8 dəqiqəlik etnoqrafik elementlərlə zəngin filmdə İsmayıllı rayonunun Lahıc kəndində yaşayan insanların birgünlük həyatı təsvir edilib./ANS PRESS/