Azerbaycanın emekdar artisti, tanınmış kino ve teatr aktyoru Ömür Nağıyev qefleten vefat edib. ANS PRESS-in melumatına göre, bu barede modern.az-a aktyorun çalışdığı S.Vurğun adına Rus Dram Teatrından melumat verilib.

“Aktyorumuz Ömür Nağıyev dekabrın 31-de müalice olunduğu Merkezi Neftçiler Xestexanasında vefat etdi, yanvarın 1-de defn etdik”-deye merhum aktyroun defninde iştirak etmiş Rus Dram Teatrının inzibatçısı bildirib.

Lakin Rus Dram Teatrında emekdar artistle vida merasimi teşkil olunmayıb. Ömür Nağıyevle vida merasiminin teşkil edilmemesi ve emekdar artistin urvatsız defn olunması onu tanıyanların ve yaxınlarının narazılığına sebeb olub.

Teatrdan ise bunu bele izah edibler: “Bunun üçün icaze almaq lazım idi. Bizde esasen xalq artistlerinin ve senet üçün bir çox işler gören adamların vida merasimi keçirilir. Defninde biz de iştirak etdik. Hövsan qebiristanlığında defn olundu”.

Ömür Nağıyev 1953-cü ilde Bakıda anadan olub. 1975-1979-cu illerde Moskvada Ümumittifaq Dövlet Kinematoqrafiya İnstitutunun kino ve televiziya rejissorluğu fakültesini bitirib. 1972-ci ilden "Azerbaycanfilm" kinostudiyasında işleyib. 30-dan çox filmde çekilib. Bakı Belediyye teatrında işleyib.
2005-ci ilden S.Vurğun adına Rus Dram teatrının aktyoru idi. Teatrda işlediyi müddetde bir neçe obrazlar yaradıb. Onlardan: Bernar (K.Xiqqins "Qarold ve Mod"), Prokuror (M.İbrahimbeyov "Neft bumu"), Qersoq Kornuelski (U.Şekspir "Kral Lir"), Polis (Elçin "Ubiysa"), Azer-baba (S.Vurğun "Ferhad ve Şirin") kimi obrazları aktyorun rengareng yaradıcılıq palitrasının nümunelerindendir.

Ömür Nağıyev diger emekdar artist Nesibe Eldarova ile bir müddet evli olub. Onların nikahından doğulan oğlanları Rüfet Nağıyev de bir neçe ay önce, 30 sentyabr 2013-cü il tarixinde vefat etmişdi. O, yüksek dozada narkotik qebul olunması neticesinde ölmüşdü.