Adam badam iysi gəlir
Yağlı adam iysi gəlir.
Cırtdanların ağzından div
Divdən cırtdan iysi gəlir.
Yağ çörəkdən minnət iysi
Minnətdən qan iysi gəlir.
Iylənir ürəkdə sözlər
Deyilmir
Qalır iylənir
Vaxtsız deyilən sözə də
Vaxtdan dayan iysi gəlir
Sarımsağı qınayırlar
Onnan ki öz iysi gəlir
Bu ölkənin insanından
Özgələrin iysi gəlir
Anaların sinəsindən
Çəkilibdir ana südü
Indi hər köçən gəlindən
Sabahın dul iysi gəlir.
Iy özü tutub burnunu
Kişidən
Qadın qoxusu
Uşaqdan
Pul iysi gəlir
Yaxınlar uzaqda durur
Yaxınların yox qoxusu
Uzaqlar qılığa girir
Uzaqların iysi gəlir.
Ətir dəymədi cismimə
Ətirlər şüşə məhbusu
Istəmərəm bir də olsun
Mənim zövqümün məhbusu
Çox da ki o məhbuslardan
Ətirli gül iysi gəlir
Mən tər qoxusun sevirəm
Tərim azad – azad axır