Torpaq sürüşməsinə əraziyə yağmış qarın əriməsi səbəb olub. Əraziyə su yığılması torpaq sürüşməsi və 2-2,5 metr dərinliyində çatlaq əmələ gəlməsi ilə nəticələnib.

Sürüşmə nəticəsində kənddə iki evin divarları uçub, üç kənd sakininin həyatyanı sahəsindəki yardımçı binalar da zərər görüb. Hadisə nəticəsində xəsarət alan olmayıb.

Qusar rayon İcra Hakimiyyətində fəaliyyət göstərən fövqəladə hallar komissiyasının üzvləri artıq hadisə yerinə baxış keçiriblər. Onlar hadisə ilə bağlı Fövqəladə Hallar Nazirliyini məlumatlandırdıqlarını bildiriblər.