Gürcüstan prezidenti Mixail Saakaşvili ölkə müxalifətini mitinqləri dayandırmağa və danışıqlar masası arxasına keçməyə çağırıb. O, yeni qaz kəmərinin açılışını etdiyi Axaltsize şəhərində yerli sakinlərlə görüşdə belə bir bəyanatla çıxış edib: «Biz xalqımızın problemlərinin həlli üçün danışıqlar masası arxasında oturmalıyıq».
Bununla belə Gürcüstan prezidenti bildirib ki, bu gün evdə oturanların sayı aksiyalarda iştirak edənlərdən çoxdur və onların da çətinlikləri var: «Bütün daxili və xarici təhdidlərə cavab vermək üçün bizə birlik lazımdır». /ANS PRESS/